Supreme-Court-Of-Pakistan

سپریم کورٹ نے 68 دہشت گردوں کی رہائی روک دی

اسلام آباد: سپریم کورٹ نے پشاورہائی کورٹ کی جانب سے فوجی عدالتوں سے سزا پانے والے ملزمان کی رہائی کے فیصلے پر حکم امتناع جاری کر دیا۔سپریم کورٹ میں جسٹس عظمت سعید کی سربراہی میں 2 رکنی بینچ نے پشاور ہائی کورٹ کی جانب سے سزائے موت کے مجرموں کی سزا کالعدم قرار دیے جانے کے خلاف کیس کی سماعت ہوئی جس میں اعلیٰ عدالت نے پشاور ہائی کورٹ کے فیصلے پر حکم امتناع جاری کر دیا۔
پاکستان اور آئی ایم ایف کے درمیان مذاکرات تیسرے روز بھی جاری رہیں گے

دوران سماعت ایڈیشنل اٹارنی جنرل ساجد الیاس بھٹی نے کہا کہ پشاور ہائی کورٹ نے حقائق کا درست جائزہ نہیں لیا۔ ملزمان دہشت گردی جیسے سنگین جرائم میں ملوث ہیں لہذا فوجی عدالتوں سے سنائی گئی سزاؤں کو بحال کیا جائے۔ عدالت نے اٹارنی جنرل کو نوٹس جاری کرتے ہوئے جیل سپرنٹنڈنٹس کو ملزمان کو رہا کرنے سے بھی روک دیا۔ سپریم کورٹ نے کیس کی مزید سماعت غیر معینہ مدت کیلیے ملتوی کر دی۔
اینٹی بائیوٹک ادویات کو پیچھے چھوڑتی خوفناک بیماریاں

واضح رہے کو پشاور ہائی کورٹ نے فوجی عدالتوں سے سزا پانے والے 68 ملزمان عدم شواہد کی بنا پر بری کرنے کا حکم دیا تھا جس کے خلاف وزارت دفاع نے اپیلیں دائر کی تھیں۔
وزیراعلیٰ پنجاب کی مزار اقبال پر حاضری

اس خبر پر اپنی رائے کا اظہار کریں

اپنا تبصرہ بھیجیں