Shehbaz-Sharif-- accounts detail

شہباز شریف کے بینک اکاؤنٹس کی تفصیلات نیب کے حوالے

لاہور: سابق وزیراعلیٰ پنجاب شہباز شریف کے اکاؤنٹس کی تفصیلات نیب کو فراہم کردی گئیں ہیں۔
تفصیلات کے مطابق آمدن سے زائد اثاثہ جات کیس میں نیب کی جانب سے بینک ریکارڈ طلب کیے جانے پر شہباز شریف کے اکاؤنٹس کی تفصیلات نیب کو فراہم کردی گئی ہیں، ذرائع کا کہنا ہے کہ نجی بینک کا نمائندہ شہباز شریف کے اکاؤنٹ کا ریکارڈ لے کر نیب میں پیش ہوا، شہبازشریف کے بینک کا ریکارڈ 500 صفحات پر مشتمل ہے۔

واضح رہے کہ نیب لاہور نے 5 اکتوبر کو شہباز شریف کو صاف پانی کیس میں طلب کیا تھا، تاہم اُن کی پیشی پر انہیں آشیانہ اقبال ہاؤسنگ کیس میں کرپشن کے الزام میں گرفتار کرلیا، اس کے علاوہ نیب نے رمضان شوگر ملز کیس میں بھی شہباز شریف کی گرفتاری ظاہر کردی جب کہ احتساب عدالت نے انہیں مزید 14 روزہ جسمانی ریمانڈ پر نیب کے حوالے کردیا ہے۔

اس خبر پر اپنی رائے کا اظہار کریں

اپنا تبصرہ بھیجیں