PM-pakistan-Imran-khan Stay In Lahore

وزیراعظم عمران خان لاہور میں قیام بڑھانے پر غور

لاہور:‌ وزیراعظم نے پی ٹی آئی کے مرکزی رہنما جہانگیر ترین اور اتحادی جماعت مسلم لیگ ق کے اراکین کی گفتگو کا نوٹس لے لیا.

پارٹی ذرائع کے مطابق وزیراعظم نے جہانگیر ترین اور اتحادی جماعت کی سامنے آنے والی ویڈیو کا نوٹس لیتے ہوئے اتحادی جماعتوں اورپی ٹی آئی اراکین کا اہم اجلاس بلانے کا فیصلہ کیا ہے.

پارٹی ذرائع کے مطابق وزیراعظم عمران خان لاہور میں قیام بڑھانے پر غور کر رہے ہیں، امکان ظاہر کیا جارہا ہے کہ وہ دونوں فریق کو بٹھا کر تحفظات دور کریں گے.

واضح رہے کہ آج اسپیکر پنجاب اسمبلی چوہدری پرویز الہیٰ کی رہائش گاہ پر پی ٹی آئی کے مرکزی رہنما جہانگیر ترین، وفاقی وزیر طارق بشیر چیمہ اور پنجاب کے وزیر معدنیات حافظ عمار کی ملاقات ہوئی.

اس ملاقات میں سینیٹ انتخابات سے متعلق بات چیت کی گئی، جس کی ایک ویڈیو منظر عام پر آئی، جس میں‌ گورنر پنجاب پر کچھ تحفظات کا اظہار کیا گیا.

اس خبر پر اپنی رائے کا اظہار کریں

اپنا تبصرہ بھیجیں