PM imran khan visit to saudi Arabia

وزیراعظم عمران خان کا ایک روزہ دورے کوئٹہ

کوئٹہ :وزیراعظم عمران خان ایک روزہ دورے پر کوئٹہ پہنچ گئے ، جہاں وزیراعظم صوبائی کابینہ کےاراکین سےملاقات کریں گے اور ترقیاتی منصوبوں سےمتعلق اجلاس کی صدارت کریں گے۔

تفصیلات کے مطابق وزیراعظم عمران خان ایک روزہ دورے پر کوئٹہ پہنچے تو وزیراعلیٰ بلوچستان جام کمال نے وزیراعظم کا استقبال کیا، عمران خان کی کوئٹہ آمد پر استقبالیہ بینرز آویزاں کئے گئے ہیں۔

اپنے دورے کے دوران وزیراعظم صوبائی کابینہ کے اجلاس میں شرکت کریں گے اور بلوچستان کےعوام کیلئے جاری ترقیاتی منصوبوں پربریفنگ لیں گے جبکہ وزیراعلیٰ اور گورنربلوچستان سے ملاقاتیں کریں گے۔

دورہ کوئٹہ میں وزیراعظم عمران خان پارلیمنٹیرینز اور سول سوسائٹی کےنمائندوں سے ملاقات کریں گے اور قومی،صوبائی اور سینیٹ ارکان سے خطاب بھی کریں گے۔

خیال رہے عمران خان کا وزارت عظمیٰ کا عہدہ سنبھالنے کے بعد پہلا دورہ بلوچستان ہے۔

اس خبر پر اپنی رائے کا اظہار کریں

اپنا تبصرہ بھیجیں