MQM-support-PTI-for senate opposition leader

سینیٹ میں قائد حزب اختلاف ،ایم کیو ایم پاکستان کا پی ٹی آئی کی حمایت کا اعلان

کراچی :متحدہ قومی موومنٹ پاکستان نے سینیٹ میں تحریک انصاف کے اپوزیشن لیڈر کی حمایت کا اعلان کیا ہے۔

تحریک انصاف کے رہنماوں کے ہمراہ میڈیا سے گفتگو کرتے ہوئے ایم کیو ایم کے رہنما فیصل سبزواری نے کہا کہ شیری رحمان کی قابلیت سے انکار نہیں لیکن پی پی کی امیدوار ہونے کی وجہ سے انہیں ووٹ دینا مناسب نہیں، پیپلز پارٹی نے دس برسوں میںصوبے کو تباہ کردیا،اور کراچی کو نوچ کھایا۔فیصل سبزواری نے کہا کہ سندھ کے عوام کی اکثریت پیپلز پارٹی سے نالاں ہے،پیپلزپارٹی نے 10 سال میں سندھ کوتباہ کردیا ہے۔سندھ میں ایسی حکومت لانے کی کوشش کریں گے جو بدعنوان نہ ہو۔

سینیٹ میں قائد حزب اختلاف کے لئے پی ٹی آئی امیدوار کی حمایت کریں گے۔ ہم نے پی پی سے ڈپٹی چیئرمین سینیٹ کے لئے سلیم مانڈوی والا کو ووٹ دینے سے معذرت کی تھی۔اس موقع پر پی ٹی آئی کے رہنما عمران اسماعیل نے کہا کہ سینیٹ میں اپوزیشن لیڈر کے لیے ایم کیوایم سے درخواست کی ہے، پیپلزپارٹی کا راستہ روکنے کا مقصد چور بازاری کو روکنا ہے۔
پی آئی اے کا کارنامہ ، منافع بخش روٹ بند کرنے کا پلان تیار
انہوں نے کہا کہ اپوزیشن لیڈر پی ٹی آئی کا ہوگا، تمام جماعتوں سے بات ہوئی ہے جبکہ سینیٹ اپوزیشن لیڈرکا امیدوارکون ہوگا کل باضابطہ اعلان کیا جائے گا۔ قبل ازیں پاکستان تحریک انصاف کا وفد عمران اسماعیل کی قیادت میں ایم کیوایم بہادرآباد مرکز پہنچا، پی ٹی آئی وفد میں عمران اسماعیل،اعظم سواتی،حلیم عادل شیخ شامل تھے۔
پنجاب حکومت کی نااہلی ،سرکاری محکموں میں بھرتیوں کےلئے لاکھوں روپے رشوت وصو ل کیے جانے کا انکشاف
ایم کیوایم کےوفد نے پی ٹی آئی رہنماوں کا استقبال کیا ، ایم کیوایم وفد میں عامرخان ،فیصل سبزواری،امین الحق شامل تھے۔ملاقات میں سینیٹ انتخابات کی بعد کی صورتحال پرتبادلہ خیال کیا گیا۔واضح رہے کہ تحریک انصاف نے سینیٹ کیلئے اعظم سواتی کواپوزیشن لیڈرنامزد کیاہے ۔

اس خبر پر اپنی رائے کا اظہار کریں

اپنا تبصرہ بھیجیں