مریم نواز کے کاغذات نامزدگی کی منظوری کے خلاف اپیل مسترد

لاہور: اپیلٹ ٹریبونل نے پی پی 173 سے مریم نواز کے کاغذات نامزدگی کی منظوری کے خلاف اپیل مسترد کردی۔

مسلم لیگ (ن) کی رہنما اور سابق وزیراعظم نوازشریف کی صاحبزادی مریم نواز عام انتخابات میں این اے 125، این اے 127 اور پی پی 173 سے حصہ لے رہی ہیں۔

مریم نواز کے پنجاب کی نشست پی پی 173 سے کاغذات نامزدگی منظور کیے گئے جس کے خلاف اپیل اپیلٹ ٹریبونل میں دائر کی گئی تھی۔

اپیل کنندہ اقتدار حسین کا مؤقف تھاکہ ریٹرننگ افسر نے حقائق کے برعکس مریم نواز کے کاغذات نامزدگی منظور کیے، ان کے پاس 2 شناختی کارڈ ہیں جن میں ایک مریم نواز اور دوسرا مریم صفدر کےنام سے ہے۔

لاہور ہائیکورٹ کے اپیلٹ ٹریبونل کے جسٹس طارق سلیم شیخ نے اقتدار حسین نامی اپیل کنندہ کی اپیل پر سماعت کی اور اسے ناقابل سماعت قرار دے کر مسترد کردیا۔

اس خبر پر اپنی رائے کا اظہار کریں

اپنا تبصرہ بھیجیں