Jamal-khashgi-Murder-Case-Scandal

مصری خاتون کا خاشقجی سے خفیہ شادی کا انکشاف

نیو یارک: ایک مصری خاتون نے انکشاف کیا ہے کہ انہوں نے ترکی میں سعودی سفارتخانے میں قتل ہونے والے سعودی صحافی جمال خاشقجی سے چند ماہ قبل امریکا میں ایک مذہبی تقریب میں شادی کی تھی۔
خاشقجی کا قتل ویسے ہی ایک معمّا بنا ہوا تھا اب ان کی خفیہ بیوی کے انکشاف نے کئی سوالات کھڑے کر دیئے۔
پاکستان میں فی تولہ سونا250روپے سستاہوگیا
غیر ملکی میڈیا کے مطابق ایک انٹرویو میں ایک نا معلوم مصری خاتون نے خاشقجی کی اہلیہ ہونے کا دعویٰ کرتے ہوئے کہا کہ وہ خاشقجی کے ساتھ اپنے تعلقات کو ظاہر کرنے کے لئے آگے آنے والی تھیں۔ ان کا کہنا تھا کہ میں چاہتی تھیں کہ ایک مسلمان بیوی ہونے کے ناطے سے مجھے پورا حق اور اپنی صحیح شناخت ملے۔

یہ سب انکشافات انہوں نے اپنا اصل نام مخفی رکھنے کی شرط پر کئے۔ ان کا کہنا تھا کہ سیکیورٹی اور ملازمت کی وجہ سے وہ اپنا نام ظاہر نہیں کر سکتیں۔
عمران خان یوٹرن والے بیان پر بھی یوٹرن لیں گے: خواجہ آصف
انہوں نے امریکی اخبار واشنگٹن پوسٹ کو رواں سال جون میں ہونے والی خاشقجی سے اپنی شادی کی تصویریں بھی شیئر کیں تاہم سعودی صحافی کے خاندان نے ان کی خفیہ شادی پر کسی بھی قسم کی کوئی بات کرنے سے گریز کیا ہے۔

دوسری جانب خاشقجی کی ترک منگیتر نے ٹیلیفونک انٹرویو میں بتایا کہ وہ خاشقجی کے ان خاتون سے تعلقات کے بارے میں کچھ نہیں جانتیں۔
وزیراعظم عمران خان ہٹلر بننا چاہتے ہیں، خورشید شاہ
انہوں نے کہا کہ جمال نے کبھی بھی مجھ سے اس خاتون کے بارے میں ذکر نہیں کیا تھا آخر یہ خاتون دنیا کے سامنے جمال کی شخصیت کیوں خراب کرنا چاہتی ہے۔ وہ کیا چاہتی ہے اور مجھے شک ہے کہ یہ خاشقجی کو بدنام کرنے کی کوشش ہے۔
ڈاکٹر عامر لیاقت حسین نے دوسری شادی کرلی۔
انہوں نے مزید کہا کہ اگر وہ پہلے ہی خاشقجی کی قانونی بیوی ہونے کے بارے میں بتانا چاہتی تھیں تو اب بھی سامنے آکر ثابت کر دیں۔ اس طرح وہ خاشقجی کے مرنے کے بعد سعودی حکومت کی جانب سے ان کے خاندان کو ملنے والی رقم میں سے حصہ مانگنے کا حق بھی رکھ سکتی ہیں جبکہ ابھی ان کی شادی کی قانونی حیثیت واضح نہیں۔

اس خبر پر اپنی رائے کا اظہار کریں

اپنا تبصرہ بھیجیں