Donlad Trump bombing on opponent

ٹرمپ کے مخالفین کے گھروں اور دفاتر پرپائپ بم بھیجے جانے کے واقعات سے خوف وہراس

نیویارک: امریکا میں صدر ڈونلڈ ٹرمپ کے بدترین مخالفین کے گھروں اور دفاتر پر پائپ بم بھیجے جانے کے واقعات نے خوف وہراس پھیلا دیا ہے۔جن افراد کو گن پاؤڈر بھرےبم بھیجے گئے، ان میں سابق صدر براک اوباما، بل کلنٹن اور امریکی ٹیلیویژن سی این این کا دفتر بھی شامل ہے۔

میڈیا رپورٹس کے مطابق امریکا کے سابق صدر بل کلنٹن کی نیویارک میں واقع رہائش گاہ پر دھماکا خیز مواد بھیجا گیا تھا۔ دھماکا خیز مواد بھیجے جانے کے وقت بل کلنٹن گھر پر تھےجبکہ ہیلری کلنٹن انتخابی مہم کے سلسلے میں فلوریڈا میں تھیں۔

سابق صدر بارک اوباما کے گھر بھی مشتبہ پیکٹ بھیجا گیا تھا، تاہم امریکی سیکرٹ سروس نے وہ پیکٹ پہلے ہی روک لیا تھا۔

نیویارک میں واقع ٹائم وارنر سینٹر سے بھی دھماکا خیز مواد ملنے کی اطلاعات ملیں، جہاں سی این این کا نیوز روم واقع ہے۔بم ملنے پر سی این این کے بیورو کو خالی کرالیا گیا۔ دھماکا خیز مواد سے بھرا پیکٹ سی آئی اے کے سابق سربراہ جان برینن کے نام بھیجا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں