Cm-Punjab provide Electricity In His village

کپتان کی قیادت میں پاکستان اپنی کھوئی منزل حاصل کرے گا ‘ عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ عوام پرانے پاکستان سے نکل کرنئے پاکستان میں آنے پرخوش ہیں۔

تفصیلات کے مطابق وزیراعلیٰ پنجاب نے میڈیا سے گفتگو کرتے ہوئے کہا کہ ماضی کے 10 سال سے زیادہ پی ٹی آئی کی 2 ماہ کی کارکردگی بہتر ہے۔

سردار عثمان بزدار نے کہا کہ عام آدمی کوبنیادی حقوق کی فراہمی کے لیے اقدامات کیے جا رہے ہیں، عوام پرانے پاکستان سے نکل کرنئے پاکستان میں آنے پرخوش ہیں۔

انہوں نے کہا کہ عوام کے مسائل کوان کی توقعات کے مطابق حل کیا جائے گا، کپتان ملک کو بحران سے نکالنے کے لیے صلاحیتیں بروئے کارلارہے ہیں۔

وزیراعلیٰ پنجاب سردارعثمان بزدار کا کہنا تھا کہ کپتان کی قیادت میں پاکستان اپنی کھوئی منزل حاصل کرے گا۔

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ حقیقی تبدیلی کے لیے تعلیم، صحت، سیاحت میں اصلاحات لائی جا رہی ہیں۔

سردار عثمان بزدار کا کہنا تھا کہ پنجاب وزیراعظم عمران خان کے نئے پاکستان میں لیڈ لے گا، وزیر اعظم کے 100 روزہ پلان پرتیزی سے پیشرفت جاری ہے۔

اس خبر پر اپنی رائے کا اظہار کریں

اپنا تبصرہ بھیجیں