CJP-meet-PM-pakistan

کل کی میٹنگ کے بعد معاملات جلدی حل ہوں گے: چیف جسٹس

اسلام آباد: چیف جسٹس پاکستان جسٹس ثاقب نثار نے کہا ہے کہ عدالتی احکامات پر تیزی سے کام ہورہا ہے اور کل کی میٹنگ کے بعد معاملات جلدی حل ہوں گے۔

اسلام آباد کے اسپتال میں ادویہ اور آکسیجن چوری سے متعلق کیس کی سماعت ہوئی جس کے سلسل میں ایڈیشنل اٹارنی جنرل نے عدالت میں پیش ہوکر بتایا کہ وزارت کیڈ نے عدالت کے حکم پرمن و عن عمل کیا، اسلام آباد کے اسپتالوں کے سربراہان کی سمری اسٹیبلشمنٹ ڈویژن کو بھیج دی ہے۔

اس پر چیف جسٹس نے کہا کہ کہ اگرآپ نے تاخیر کی توہم اچھے لوگوں کو خود تعینات کردیں گے۔
ماہرہ خان کی ایک اور ویڈیو لیک ہو گئی
اس موقع پر چیف جسٹس پاکستان نے گزشتہ روز وزیراعظم سے ہونے والی ملاقات کا بھی اشارہ دیتے ہوئے کہا کہ عدالتی احکامات پرتیزی سے کام ہورہا ہے،کل کی میٹنگ کے بعد معاملات جلدی حل ہوں گے، انشااللہ اب کچھ نہیں رکے گا۔
اسحاق ڈار کی کرپشن میں نامزد شریک ملزمان پر آج بھی فرد جرم عائد نہ ہوسکی
واضح رہےکہ گزشتہ روز وزیراعظم شاہد خاقان عباسی اور چیف جسٹس پاکستان جسٹس ثاقب نثار کے درمیان اہم ملاقات ہوئی تھی۔

اس خبر پر اپنی رائے کا اظہار کریں

اپنا تبصرہ بھیجیں