Bilawal-Bhutto criticize PTI

پیپلزپارٹی نے ہمیشہ عوام کی سیاست کی ،عوام کےفیصلوں کو مانا ہے. بلاول بھٹو کا جلسے سے خطاب

منڈی بہاؤالدین: پیپلزپارٹی کے چیئرمین بلاول بھٹو کا کہنا ہے کہ عمران خان دراصل میاں صاحب کا تسلسل ہیں، عمران خان اور میاں صاحب صرف اپنی ذات کے لئے اقتدار چاہتے ہیں.

ان خیالات کا اظہار بلاول بھٹو نے منڈی بہاؤالدین میں‌ ممبرسازی مہم کی تقریب سے خطاب کرتے ہوئے کیا۔ ان کا کہنا تھا کہ پیپلزپارٹی نے ہمیشہ عوام کی سیاست کی ،عوام کےفیصلوں کو مانا ہے.

انھوں نے کہا کہ ن لیگ کی حکومت نے ملک کی زراعت کو تباہ کردیا، کسان اور کاشت کار پانچ سال میں تباہ ہوچکے ہیں، بڑے اور مہنگے منصوبوں سے ملک ترقی نہیں کرتا، امیروں کو زیادہ امیر بنانے سے ملک خوش حال نہیں ہوتا.

بلاول بھٹو نے کہا کہ بدقسمتی سے ن لیگ یہی کچھ کررہی ہے، کسان خوش حال نہیں ہے، ن لیگ کی حکومت کس منہ سے ترقی اور خوش حالی کی بات کرتی ہے.

انھوں‌ نے پی ٹی آئی چیئرمین پر تنقید کرتے ہوئے کہا کہ خان صاحب دو دو گھنٹے تقریر کرتے ہیں، مگر کام کی کوئی بات نہیں کرتے، صرف ہوائی فائر کرتے ہیں، میں یہ کروں گا، میں وہ کروں گا۔

پیپیلزپارٹی کے چیئرمین نے کہا کہ خان صاحب یہ بتائیں، کیا نیا خیبر پختونخواہ بنایا؟ خان صاحب نے خیبر پختونخواہ میں حکومت کرکے کچھ نہیں کیا.

اس خبر پر اپنی رائے کا اظہار کریں

اپنا تبصرہ بھیجیں