bank fraud criminal Arrested

آن لائن بینک فراڈ کے ملزم گرفتار

فیصل آباد: ایف آئی اے سائبر کرائم ونگ فیصل آباد سرکل نے آن لائن بینک فراڈ کرنے والے ملزم کو جھنگ سے گرفتار کر لیا۔

اسسٹنٹ ڈائریکٹر سائبر کرائم شعیب ہارون نے بتایا کہ آن لائن بینک فراڈ کے ذریعے ایبٹ آباد کے رہائشی محمد صدیق کے اکاؤنٹ سے ایک لاکھ 5 ہزار روپے منتقل کرنے کی شکایت پر تحقیقات کی گئیں۔
پاکستان میں فی تولہ سونا250روپے سستاہوگیا
تحقیقات کے دوران بینک فراڈ میں ملوث ملزم آصف کی نشاندہی ہوئی جو بینک افسر بن کر فون پر صارفین کی معلومات حاصل کرتا تھا۔

جس کے بعد ایف آئی اے سائبر کرائم نے کارروائی کرتے ہوئے ملزم آصف کو جھنگ سے گرفتار کر لیا۔
گرفتار ملزمان پر تشدد کیا جاتا ہے‘ ڈاکٹر مجاہد کامران
شعیب ہارون نے مزید بتایا کہ ملزم نے جعلی آئی ڈی اور یو اے این نمبر استعمال کرتے ہوئے بینک افسر بن کر فون پر متاثرہ شہری سے معلومات لیں اور دھوکہ دہی سے رقم اپنے اکاؤنٹ میں ٹرانسفر کر لی۔

اسسٹنٹ ڈائریکٹر سائبر کرائم شعیب ہارون کے مطابق ملزم سے مزید تحقیقات جاری ہیں۔

اس خبر پر اپنی رائے کا اظہار کریں

اپنا تبصرہ بھیجیں