وفاقی کابینہ کے اجلاس میں اہم فیصلے

وفاقی حکومت نے گیس کے نئے کنکشنز پر 8سال سے عائد پابندی اٹھالی ۔ صنعتی ،کمرشل ،نئی ہاؤسنگ اسکیموں ،کالونیز کے لیےگیس کنکشنز کی فراہمی میں نرمی کر دی گئی۔

وزیراعظم نواز شریف کی زیرصدارت وفاقی کابینہ کا اجلاس ہوا اجلاس میں میں گیس کے نئے کنکشنز پر پابندی ختم کرنے کی منظوری دی گئی ۔گیس کے نئے کنکشنز پر پابندی 2009 میں لگائی گئی تھی۔

وزیر اعظم نے سرکاری حج اسکیم کے اخراجات بڑھانے کی تجویزمسترد کر تے ہوئے اسکیم کے اخراجات پچھلےسال والے برقرار رکھنے اور حاجیوں کوہر ممکن ریلیف فراہم کرنے کی ہدایت کر دی۔

اجلاس میں جعلی دواؤں اورآلات کی روک تھام کے لیےڈرگ ترمیمی ایکٹ منظور کر لیا گیا۔ اس ایکٹ کےتحت ادویات، آلات کی ٹریکنگ کے لیےبارکوڈنگ کی جائےگی۔ صارفین اسمارٹ فون سے دواؤں اور آلات کی بارکوڈنگ سےٹریکنگ کرسکیں گے۔

وزیراعظم نواز شریف نےکابینہ سے خطاب کرتے ہوئے کہا کہ حکومت ہرآدمی کو رہائش کی سہولت فراہم کرنا چاہتی ہے۔ ایسی حکمت عملی بنا رہے ہیں کہ ہرشخص اپنامکان حاصل کرسکے، ترقیاتی کاموں کی وجہ سے شہری آبادی میں تیزی سے اضافہ ہورہاہے، ملک بھرمیں مکانات کی طلب پورا کرنے کیلیےموثراقدامات کی ضرورت ہے۔

اس خبر پر اپنی رائے کا اظہار کریں

اپنا تبصرہ بھیجیں