واٹس ایپ کال کے معاملے پر چئیرمین ایس ای سی پی کا مکمل تحقیقات کا مطالبہ

اسلام آباد: چیرمین ایس ای سی پی ظفر حجازی نے سپریم کورٹ سے پاناما جے آئی ٹی کی تشکیل کے سلسلے میں مشکوک واٹس ایپ کال کی مکمل تحقیقات کا مطالبہ کیا ہے۔
چیرمین ایس ای سی پی ظفرحجازی نے 28 اپریل کورجسٹرار سپریم کورٹ ارباب محمد عارف کو خط لکھا تھا جس میں انہوں نے آگاہ کیا تھا کہ انہیں واٹس ایپ پر27 اپریل کو ایک مشکوک کال موصول ہوئی تھی جس میں انہیں پاناما جے آئی ٹی کے لیے بلال رسول کا نام شامل کرنے کی ہدایت کی گئی تھی۔
اب ظفر حجازی نے جے آئی ٹی کے تحفظات سے متعلق درخواست پر اپنا جواب سپریم کورٹ میں جمع کرادیا ہے۔ جس میں انہوں نے کہا کہ انہیں آج تک معلوم نہیں کہ واٹس ایپ کال رجسٹرار نے کی یا کسی اور نے، رجسٹرارکوخط لکھنے کا مقصد مشکوک کال کو ان کے نوٹس میں لانا تھا لیکن ان پر رجسٹرار سپریم کورٹ کو تنازع میں گھسیٹنے کا الزام لگایا گیا ہے۔ سپریم کورٹ سے درخواست ہے کہ اس معاملے کی مکمل تحقیقات کی جائے تاکہ حقائق سامنے آسکیں۔

اس خبر پر اپنی رائے کا اظہار کریں

اپنا تبصرہ بھیجیں