قطر میں پاکستانی فوج کی تعیناتی کے حوالے سے میڈیا رپورٹس دفتر خارجہ کی تردید

اسلام آباد: ترجمان دفترخارجہ کا کہنا ہے کہ قطرمیں پاک فوج کی تعیناتی کے حوالے سے رپورٹس من گھڑت اور بے بنیاد ہیں
ترجمان دفترخارجہ نے قطر میں پاک فوج کی تعیناتی کے بارے غیر ملکی میڈیا کی رپورٹس کی تردید کردی ہے۔ ترجمان کے مطابق قطرمیں پاک فوج کی تعیناتی کی رپورٹس من گھڑت اوربے بنیاد ہیں جبکہ رپورٹس پاکستان اور خلیجی ممالک میں غلط فہمیاں پیدا کرنے کی سازش کا حصہ ہیں۔
واضح رہے کہ سعودی عرب اور دیگر ممالک کی جانب سے قطر سے تعلقات ختم کئے جانے کے بعد غیر ملکی میڈیا پر یہ رپورٹس سرگرم تھیں کہ پاکستان کی جانب سے فوج کو قطرمیں تعینات کیا گیا ہے جس سے خلیجی ممالک اور پاکستان میں مختلف غلط فہمیاں جنم لے رہی تھیں۔

اس خبر پر اپنی رائے کا اظہار کریں

اپنا تبصرہ بھیجیں