حسن علی  نے چیمپئنز ٹرافی کا بہترین بولربننے کی خواہش ظاہر کر دی

نیوز ویوز(لندن) سیمی فائنل کے کامیاب فاسٹ باولر حسن علی کا کہنا ہے کہ وہ چیمپئنز ٹرافی کا بہترین بولر بننے کا خواب پورا کرنا چاہتے ہیں۔

غیر ملکی خبر ایجنسی سے گفتگو کرتے ہوئے حسن علی کا کہنا تھا کہ ویسٹ انڈیز کے ساتھ سیریز کھیلتے ہوئے ایک ٹارگٹ سیٹ کیا تھا۔

چیمپئنز ٹرافی میں حریف بیٹسمینوں پر دھاک بٹھانے والے پاکستانی فاسٹ بولر حسن علی فائنل میں بھی عمدہ کارکردگی کے لیے پُر عزم اور پُرامید ہیں۔

اُن کا کہنا تھا کہ قوم دُعا کرے کہ وکٹ حاصل کرنے کے بعد سیلبریشن والا انداز بھارت کے خلاف چار پانچ مرتبہ دہرا سکوں ۔

واضح رہے کہ چیمپئنز ٹرافی کے بہترین بولر کو گولڈن بال کا اعزاز دیا جائے گا، جس کے لیے حسن علی بہت پُر امید ہیں۔

اس خبر پر اپنی رائے کا اظہار کریں

اپنا تبصرہ بھیجیں